Минск – Белоруската армија ќе одржи големи маневри под команда на западната оперативна команда од 28 до 31 август, соопшти денеска белоруското Министерство за одбрана.
„Белоруската армија ќе изведе маневри во кои ќе учествуваат сите родови на армијата“, соопшти Министерството, пренесува Тасс.
Претходно, претседателот на Белорусија, Александар Лукашенко, му нареди на Министерството за одбрана внимателно да ги следи движењата на силите на НАТО во Полска и Литванија и да ја стави белоруската армија во состојба на најголема подготвеност долж западните граници, затоа што, како што рече, тензиите растат во регионот.По претседателските избори на кои Лукашенко, според официјалните податоци, доби нешто повеќе од 80 проценти од гласовите, во таа земја започнаа масовни протести на приврзаниците на опозицијата кои не ги признаваат изборните резултати.