Родителите од здружението „Од нас за нас“ излегоа на протест и побараа невакцинираните деца да се вратат во градинките и училиштата.
За нив ова е дискриминација и не смеат децата да останат дома. Според податоците кои ги добиле само 500 деца не биле вакцинирани и најголем дел се од градинките.
Министрите за образование, здравство и труд и социјална политика не отстапуваат од одлуката невакцинираните деца да не бидат примени во градинка и училиште освен оние кои со потврда на доктор не смеат да се вакцинираат.
Одлуката невакцинираните деца да не одат во училиште и во градинка доаѓа откако во Македонија се прогласи епидемија на морбили. Од ситни сипаници беа заболени околу 1900, четири деца починаа од компликации.