Свет

Трамп остро ја нападна Светската здравствена организација

Тој ја обвини дека е премногу блиска со Кина

Претседателот на САД, Доналд Трамп, остро ја нападна Светската здравствена организација (СЗО), обвинувајќи ја дека е премногу блиска со Кина и за лошо управување со пандемијата на коронавирус. 

– СЗО навистина ја оплеска. Чудно, тие во најголем дел се финансирани од САД, а се сконцентрирани кон Кина. Ние внимателно ќе ја разгледаме оваа ситуација – напиша претседателот Доналд Трамп на Твитер додека повеќе од 11.000 луѓе починаа во земјата од „Ковид-19“.

–  За среќа, не го послушав првичниот совет да ги оставам отворени границите со Кина. Зошто дадоа таков погрешен совет? “, Праша тој. 

САД имаат најголем број на забележани случаи на инфекција  со „Ковид-19“ во светот.

Бројот на починати во земјата во последните неколку дена се зголеми на повеќе од 1.000 на ден, приближувајќи се до грозоморните рекорди на Италија и Шпанија. 

Вторникот беше најсмртоносен ден досега од избувнувањето на епидемијата во сојузната држава Њујорк , во која има 138.836 потврдени случаи на зараза, што ја прави досега најпогодена држава во САД.

Related posts

Leave a Comment