„Аналитичарите одамна предвидуваат крај на системот предводен од Америка и доаѓањето на векот на Азија. Тоа е она што се случува пред нашите очи“, рече Борел на видео конференција со германските дипломатски претставници.
Тој додаде дека пандемијата на коронавирус може да се смета како точка во која дојде до трансфер на моќта од Запад кон Исток и дека се зголемува притисокот врз ЕУ да „избере страна“.
Според него, ЕУ треба да ги следи сопствените интереси и вредности и да избегне да биде инструментализирана од која било страна.
Борел оцени дека сегашните односи меѓу Брисел и Пекинг не секогаш се засноваат на доверба, транспарентност и реципроцитет.
„Ни треба поцврста стратегија за Кина, која побарува подобри односи со остатокот од демократска Азија“, рече Борел.