Свет

Макрон сака да даде нов поттик за стратешки дијалог со Русија

Францускиот претседател Емануел Макрон рече дека “Европа има потреба од нов дијалог за прашањата на доверба и безбедност во односите со Русија”

 

Важно е да се даде нов поттик за засилување на дијалогот со Русија, рече францускиот претседател Емануел Макрон за телевизискиот канал РТС во вторникот.

“Потребна ни е стратешка дискусија. Затоа, во блиска иднина ќе имаме нови сеопфатни и суштински разговори со рускиот претседател Владимир Путин”, рече Макрон. Тој додаде дека би сакал да размени мислења со Путин не само како претседател на Франција, туку и како претседател на Г7.

“Европа има потреба од нов дијалог за прашањата на доверба и безбедност во односите со Русија”, истакна Макрон. “Имаме несогласувања, но продолжуваме да работиме заедно”, истакна тој.

Францускиот претседател исто така потсети дека Европа и Русија имаат заедничка историја. “Русија е одлична земја која ја надмина трагедијата заедно со нас. Никој не треба да заборави на тоа низ што мина Русија во Втората светска војна”, заклучи тој.

Facebook Notice for EU! You need to login to view and post FB Comments!

Related posts