Мигрантите кои протестираа во преполн камп на грчкиот остров Лезбос денес предизвикаа пожари и се судрија со полицијата, соопштија властите, додавајќи дека две лица загинале според непотврдени извештаи.
Демонстрантите во „Камп Морија“ бараат тие да бидат пренесени на грчкото копно.
Градоначалникот на Лезбос, Стратис Кителис, изјави за „Асошиејтед Прес“ дека ситуацијата е тензична и дека „ има информации за смртта на мајка и нејзиното дете “, кои досега не можеа да се потврдат.
Високиот комесар на ООН за бегалци (УНХЦР) Грција подоцна изјави на Твитер дека „животот на една жена и дете се изгубени во пожарот во Лезбос денес“.
Портпаролот на грчката полиција Теодорос Хронопулос за АП изјави дека мигрантите ја запалиле маслиновата шумичка пред кампот и неколку минути подоцна кампот. И двата пожари подоцна беа изгаснати.
Кампот со 3.000 лица е дом на 12.000 мигранти.