Дали некој од овие големи бизниси (под санкции) може да има најмало влијание врз лидерската позиција на земјата? Отворено ви кажувам: не, нема шанси, рече Медведев
„Глупаво е да се верува дека западните санкции против руските компании би можеле да имаат каков било ефект врз владата во Москва, изјави во петокот поранешниот руски претседател и заменик-претседател на Советот за безбедност Дмитриј Медведев .
Санкциите само ќе го консолидираат руското општество и нема да предизвикаат незадоволство кај властите, рече Медведев во интервју за руската новинска агенција РИА.
Западот воведе серија санкции кон Русија по почетокот на нејзината интервенција во Украина, но еден месец потоа, Кремљ вели дека ќе продолжи со нападот додека не ги постигне своите цели за „демилитаризација и денацификација“ на Украина.
Некои од санкциите се конкретно насочени кон бизнисмени милијардери за кои се верува дека се блиски до претседателот Владимир Путин.
„Да се запрашаме: дали некој од овие големи претприемачи може да има најмало влијание врз лидерската позиција во земјата?“, рече Медведев. „Отворено ви кажувам: не, нема начин“, рече тој.
Медведев рече дека анкетите на јавното мислење покажале дека три четвртини од Русите ја поддржуваат одлуката на Кремљ да спроведе воена операција во Украина, а уште повеќе го поддржуваат претседателот Владимир Путин.
Тој ги нападна оние Руси кои зборуваа против интервенцијата додека престојуваа надвор од Русија:
-Можете да бидете незадоволни од некои одлуки на Владата, да ја критикувате владата – тоа е нормално. Но, не можете да и се спротивставите на државата во ваква тешка ситуација, бидејќи тоа е предавство – рече тој.