Вооружените сили на Русија имаат 700 „носачи“ на нуклеарно оружје, вклучувајќи стратешки бомбардери, подморници на нуклеарен погон и закопани силоси за интерконтинентални балистички ракети.
Сепак, ретко кој знае дека некои од овие системи можат да работат автономно и да ракетираат непријателски цели дури и ако целата територија на Русија е уништена со нуклеарен напад.
Овој систем се нарекува „Мртва рака“, пишува Russia Beyond.
Што е „Мртва рака“?
Станува збор за системот „Периметар“ (руски „Периметар“), кој во САД го нарекувале „Мртва рака“. Тој автоматски го контролира нуклеарниот одговор на нуклеарен напад.
Едноставно, ако територијата на Русија биде целосно уништена од нуклеарен напад, системот Периметар автоматски ќе изврши нуклеарен напад на непријателска територија со свои проектили.
Зошто е направен системот?
По завршувањето на Студената војна, советското воено раководство сфати дека само една нуклеарна ракета ќе биде доволна да го уништи командното место од кое се управува со нуклеарниот арсенал.
Дополнително, беше јасно дека средствата за електронско војување ќе бидат развиени и потенцијално ќе можат да ги блокираат каналите преку кои се управуваат стратешките нуклеарни сили.
Затоа, на вооружените сили им требаше резервен план за загарантирана одмазда со лансирање нуклеарни боеви глави од сите закопани силоси.
Во извршувањето на оваа задача советските инженери решиле да изградат интерконтинентална балистичка ракета која би се користела како централно командно место, т.е. која по полетувањето ќе ги активира сите други закопани силоси на територијата на СССР и ќе лансира проектили со нуклеарни боеви глави во правец на непријателска територија.
Повеќе прочитајте ТУКА.