Новак Ѓоковиќ вечерва го чека судбоносното рочиште пред тројца судии на Федералниот суд на Австралија, а можеби најголемиот адут на правниот тим на најдобриот тенисер на планетата ќе бидат две важни точки.
Имено, Новак Ѓоковиќ доби лекарско ослободување од Медицинскиот совет на Австралија, а српските власти потврдија дека тестовите на Ѓоковиќ се сигурни и точни.
Тие документи ги имаше цело време, но само што се појавија во јавноста.
Целата документација мора да биде објавена пред судењето, па дознавме и добивме потврда за две важни ставки, .
Првата е дека Независниот медицински совет од експерти, во соработка со Тенис Австралија, му дадоа лекарско ослободување на Ѓоковиќ за да игра на Австралија опен.
Потврда на независен панел од медицински експерти.
Тие потврдуваат дека Ѓоковиќ бил позитивен на 16 декември и дека од инфекцијата до неговото пристигнување во Австралија поминале 14 дена.
Оттогаш нема никакви симптоми и неговата потврда важи до 16 мај.
Уште една потврда од институтот „Батуг“, дека сите тестови на Ѓоковиќ се сигурни и точни.
Ова треба да бидат најсилните адути на правниот тим на српскиот тенисер на вечерашното клучно рочиште.
Важна победа за адвокатите на Новак
Адвокатскиот тим на Новак Ѓоковиќ извојува значајна победа пред вечерашното судење! Имено, според австралиските медиуми, усвоено е барањето на адвокатите на Ѓоковиќ на судењето кое почнува вечерва во 23 часот и 30 минути, да присуствува полн состав од судии.
Судењето ќе го води главниот судија Џејмс Алсоп, а ќе биде придружуван од судијата Ентони Бесанко и судијата Дејвид О’Калаган.
Австралиските медиуми ја опишуваат оваа информација како „мала, но важна победа за Новак Ѓоковиќ“ и подвлекуваат дека австралиската влада сега е „врзани раце“, потсетувајќи дека адвокатите на државата силно се залагале процесот да го води само еден судија – Дејвид О’ Калаган.
Доколку не биде според планот на Владата на Австралија, нивното право на жалба ќе биде ограничено.
Нема да има многу време за жалба, ниту пак ќе има шанси доколку судот пресуди во корист на Новак.
Новак го брани тим од дури седум адвокати.