ПРИШТИНА – Вицепремиерот за привремени институции на Приштина и потпретседател на Демократската партија на Косово (ДПК) Енвер Хоџај рече дека има доверливи информации дека уште 10 земји можат да го повлечат признавањето на независноста на Косово.
“Има 13 држави кои го повлекоа признанието. Еднаш мораме да го разбереме карактерот на нашето државјанство. Ако бевме членка на ООН, признавањето ќе беше универзално. Во оваа ситуација, кога една земја го признава Косово, мора да се воспостават дипломатски односи. Постојат некои вистини кои се болни”, рече Хоџај за телевизијата КТВ.