Шефот на Чеченската Република, Рамзан Кадиров, ги повика луѓето на Запад да ги соборат своите влади или да се соочат со прекин на рускиот гас!
Еден од сојузниците на Владимир Путин упати застрашувачка закана до Западот и ги повика луѓето ширум Европа да се кренат против нивните влади. Рамзан Кадиров е лидерот на чеченскиот регион кој зборуваше за противењето на Западот на руската „специјална операција“. Кадиров посочи дека Русија можеби нема да сака да испорачува гас на Европа, која претходно многу се потпираше на него.
„ Оваа зима, Русија можеби нема да може да загрее сè со гас навреме. Или поточно, ќе може. Но, ние нема да сакаме да го направиме тоа“, рече Кадиров и додаде: „На Европејците им беше кажано дека Русија е виновна што поскапеа бензинот и храната – иако и будала ќе сфати дека резервните средства на овие земји се потрошени за вооружување на Украина . Европа ќе дише слободно кога ќе бидат сменети сите први луѓе во нивните држави „лидери“ пред почетокот на студената сезона… Европа, со она што го кажува и со давање воена поддршка, цели кон одредена цел – да ја поттикне Русија да се префрли од режимот на специјални воени операции до војна во целосен обем со сите видови оружје што се користат по целата линија на фронтот“.
Кадиров претходно протестираше дека Западот ја вооружува Украина за да се бори против Русија. „НАТО наивно верува дека таква војна ќе ја ослаби Русија. Низ својата историја Русија била подготвена за секаква војна.
Кадиров е познат по својата раскошна реторика и тврдењата за силата на Чеченија. Русија ги повика неговите војници да помогнат во војната. Тој претходно тврдеше дека тој и неговата војска се подготвени да се спротивстават на Западот и „лесно да ги преземат Киев и земјите од НАТО “.