Многу групи, статуси, слики и видеа поврзани со протестите на професорите и наставниците низ цела Хрватска се споделени на Фејсбук. Протестите ќе продолжат се додека владата не ги почитува нивните основни права, како и се додека не ги слушне нивните барања, јавуваат хрватските медиуми.
Така, еден статус од верскиот учител Иван Покупец го привлече вниманието на многу корисници на социјалните мрежи, доби многу коментари и споделувања. Тој допре многумина и ги охрабри да размислуваат.Го пренесуваме статусот во целина:
Мене лично не ми е до тие 300 куни, ниту ќе ме спасат, ниту ќе пропаднам без нив.
Ниту ми е до овој штрајк, јас губам часови, малите главички се збунети, сè се претвора во хаос …
Вие не ми давате слобода да го правам она што го сакам. Во ред.
Не ми давтеј опрема да работам. Во ред.
Ме затрупуватеувате со администрација. Во ред.
Ме заплашувате со инспекции. Во ред.
Ми ја зедовте секоја перспектива за живот после мојот работен век. Ма Во ред.
Но, ве молам, не се брукајте.
Затоа што немате идеја што значи да им вратите гушкање на првачињата кое го сакаат затоа што тато е во Германија, Австрија, Ирска … И недостасува.
Вие немате поим што значи да се предава за Денот на мајката, а едно дете од класот веќе нема мајка поради карцином.
Немате поим што значи скришум во училиште да му давате ужинка на дете затоа што знаете дека дошло гладно ,а се срами од одделението.
Немате идеја што значи да се обидете да му го вратите значење на животот на силувано девојче во 4-то одделение. Или момче чија мајка е проститутка, а неговиот татко макро и никој не прашува за него.
Немате идеја што значи да убедите дете дека не мора да се плаши откако ќе ви каже дека гледал додека лихвари го претепуваат неговиот татко.
Наведов само неколку примери што сум ги сретнал а сè уште немам целосно 10-годишно искуство. Има уште 30 години пред мене ако Бог ми даде милост и сила.
Земете што сакате. Мене ми се доволни нивните цртежи, трчањето кон мене во 8 часот наутро, смеата кога сериозноста на часот ја кршиме со глупирање.
Но, не се брукајте. Затоа што им штетите нив, не на мене. а јас сум нивниот вероучител и ќе ги заштитам како да се мои, со живот. Затоа што се – сите 113, плус 2 дома.