Францускиот министер за економија и финансии Бруно Ле Мер денеска предупреди дека има големи шанси Москва целосно да ја запре испораката на гас за Европа, пишува порталот Политико.
Мора да се подготвиме за целосно исклучување на рускиот гас, бидејќи денес тоа е најверојатната опција, изјави Ле Мер на економскиот состанок во Екс-ан-Прованс.
Тој најави дека владата на таа земја работи на приоритет на компаниите кои треба да бидат заштитени во случај на прекин на снабдувањето со гас.
Подготвуваме планови за олеснување, што значи разгледување на сите компании, области кои вработуваат работници, кои компании треба да ја намалат потрошувачката на гас, а кои не, објасни Ле Мер.
Тој го наведе примерот на голем производител на градежни материјали, како пример на компанија на која не треба да и се забранува гасот, дури и во случај на итност.
Француската влада предложи серија мерки за справување со прекините на гасот, вклучително и давање овластување да ги заземе електраните на гас како дел од поширокиот нацрт-закон за „куповна моќ“ што ќе се расправа во парламентот следната недела.