Ова го изјави британскиот премиер Борис Џонсон за време на разговорите со неговиот украински колега Володимир Зеленски.
Тој рече дека „руска инвазија е можна за неколку часа или денови“, најавувајќи дека Велика Британија ќе размисли за дополнителни испораки на воена опрема и оружје за Украина и ќе воведе санкции кон Русија.
– Изразувајќи сериозна загриженост за настаните во регионот, премиерот Џонсон го предупреди претседателот Зеленски дека верува дека инвазијата е реална можност во наредните часови и денови – соопшти кабинетот на Џонсон по разговорите меѓу двајцата лидери и otkako рускиот претседател Владимир Путин ги призна двете самопрогласени републики во источна Украина, пренесува Ројтерс.
Во соопштението се наведува дека Џонсон му рекол на Зеленски дека Велика Британија веќе вовела санкции против оние кои учествувале во нарушувањето на територијалниот интегритет на Украина и дека овие мерки ќе стапат на сила денеска.