Германската полиција употреби водени топови против демонстрантите кои се собраа во центарот на Берлин во знак на протест против гласањето во парламентот за законот што треба да и овозможи на владата да го олесни воведувањето ограничувања во борбата против вирусот корона.
Според Ројтерс, неколку илјади луѓе се собрале во Берлин удирајќи во шерпи и упатувајќи свирежи за време на протестот.
Претходно, берлинската полиција , со засилување од другите делови на земјата, блокираше пошироко подрачје околу најважните државни институции во Германија.
#JUSTIN : #Police use water cannons against protesters in #Berlin.#b1811 #Berlin1811 #policebrutality pic.twitter.com/zdxFgHZm1q
— ज़ाहिद अब्बास ZAHID ABBAS 🇮🇳 (@abbaszahid24) November 18, 2020
Членовите на Бундестагот најпрво ќе разговараат, а потоа ќе гласаат за законот, што ќе биде основа за воведување на рестриктивни мерки , кои вклучуваат задолжителна употреба на маски во јавноста.
Тие ќе одлучат за предлог-законот што ќе и овозможи на германската влада самостојно да воведе анти-епидемиски ограничувања, без собраниска процедура, според АП.
#Berlin now police using water cannons against #covidiots rally #b1811 https://t.co/3cHawQ9qbA
— Ωμέγα-citr0 😷 (@Citr0nella) November 18, 2020
Владата ги забрани најавените протести пред Бундестагот од безбедносни причини, но собирите не беа забранети во другите делови на германскиот главен град.
Поставени се заштитни огради околу државните институции во случај демонстрантите да не ја почитуваат забраната за собири.
Голема група луѓе се собраа утрово пред Бранденбуршката порта, недалеку од зградата на парламентот, а само неколку собрани имаа заштитни маски и се придржуваа до пропишаната физичка оддалеченост.
Неодамнешните протести во Лајпциг предизвикаа хаос затоа што илјадници луѓе не ги почитуваа полициските наредби да се носат маски.
Иако повеќето Германци ги прифаќаат и почитуваат најновите мерки на владата, критичарите тврдат дека усвојувањето на новиот закон ќе и даде на германската влада премногу моќ и ќе ги загрози граѓанските права на Германците, бидејќи тие нема да бидат усвоени во Бундестагот, забележува Ројтерс.
@ndaktuell Jetzt pic.twitter.com/WeNNVsHux5
— Daniel Lücking (@DanielLuecking) November 18, 2020
Der Wasserspaß hat begonnen #b1811 #Wasserwerfer pic.twitter.com/0zTQKbqTsH
— Valentin N. (@neukamp_v) November 18, 2020
Суверенистичката Алтернатива за Германија го спореди овој закон со Актот за одобрување (влада) од 1933 година, кој беше донесен од нацистичкиот режим на Хитлер, пренесе Танјуг.