Уште во октомври, овие косовски Албанци беа обвинети за заговор за терористички напади врз војници на НАТО во Косово, четири православни цркви и два ноќни клуба во српски енклави
Целите на четворицата косовски терористи, кои беа осудени во средата за планирани напади врз трупите на НАТО и православните цркви на Косово и Метохија, биле исто така локации во Белгија и Франција, јавуваат бриселските медиуми.
Како што истакнуваат, од тројцата мажи и една жена, двајца се белгиски државјани и биле осудени за нивните врски со Исламската држава.
Тука спаѓаат Бујар Бехрам (26), Грамос Шабани (26), кои имаат белгиско државјанство, како и Ресим Кастрати (26) и Едон Калити (25) .
Алјберт Адемај и Леутрим Мусли беа осудени на полесни казни затоа што знаелњ за плановите на осудените, но не ги предупредиле властите.
Во октомври, овие косовски Албанци беа обвинети за заговор за терористички напади врз војници на НАТО во Косово, четири православни цркви и два ноќни клуба во српските енклави во Грачаница. Како оружје, тие сакаа да користат експлозиви и бомби за да се разнесат себеси.
Тие се обвинети и за планирање на напади во Франција и Белгија.
Според „Брисел тајмс“, мнозинството 1,8 милиони жители на Косово се албански муслимани. Околу 120.000 Срби, православни христијани, живеат во поделениот град Митровица и во околу 10 енклави.
Обвинителот рече дека за време на судењето дека плановите за уништување на православните цркви биле најсериозни, но „биле спречени со апсење“.
Околу 300 Албанци од Косово отидоа да се борат за Исламската држава во Сирија и Ирак. Околу 70 беа убиени, додека 120 се во затвор.