Јанис Варуфакис го спореди либискиот бунтовнички генерал Калифа Хафтар со поранешниот водач на босанските Срби Радован Караџиќ, осуден воен злосторник.
Поранешниот грчки министер за финансии и лидер на опозициската партија Мера25 , го изјави ова по изненадната посета на Хафтар на Атина, каде што бунтовничкиот лидер разговараше со грчкиот премиер Киријакос Мицотакис и министерот за надворешни работи, Никос Дендијас.
“Атина денес беше домаќин на либискиот господар на војната Хафтар. Самата цел на грчката дипломатија – слична на онаа во 1990-тите, кога владата предводена од Мицотакис го прегрна Караџиќ .Како дојдовме овде? Се започна со несветиот сојуз на Ципрас, Нетанјаху и Ексон со цел експлоатација на нафта и гас во Источниот Медитеран “, напиша Варуфакис на Твитер.
Athens today hosted Libyan warlord Haftar. An own goal for Greek diplomacy- similar to that in the 90s when the gvt led by Mitsotakis-snr embraced Karadžić. How did we get here? It all began with the Tsipras-Netanyahu-Exxon unholy alliance to drill for oil & gas in the E. Med
— Yanis Varoufakis (@yanisvaroufakis) January 17, 2020
Таткото на Микотакис, Константинос Мицотакис, исто така беше премиер во раните 90-ти кога Радован Караџиќ ја посети Грција. Хашкиот трибунал лани го осуди Караџиќ за геноцид, злосторства против човештвото и кршење на законите и обичаите на војување за време на војната 1992-1995 година во Босна и го осуди на доживотен затвор.
Kалифа Хафтар направи изненадувачка посета на Грција, откако беше објавено дека Турција ќе започне со испраќање трупи во Либија на страна на владата признаена од ООН во Триполи.Варуфакис исто така во твит ја спомена „несветата алијанса“ на поранешниот грчки премиер Алексис Ципрас и израелскиот премиер Бенјамин Нетанјаху, како и нафтениот гигант „Егсон“. Имено, Грција, Израел и Кипар потпишаа договор на почетокот на годината за изградба на подводниот гасовод „ИстМед“, а нафтените компании како „Ексон“ ќе учествуваат во проектот.
Ова особено ја налути Турција, која има свои планови за тој дел од морето и потпиша договор со Либија.
Од падот на либискиот лидер Моамер Гадафи во 2011 година, државата е во конфликт со неколку фракции кои се борат за власт. Тие се поделија на оние кои ја поддржуваат владата на Ал Сараџ и оние кои го поддржуваат Хафтар.
Во недела е закажан самит во Берлин за решавање на конфликтот на двете страни, при што Мицотакис најави дека ќе разговара со германската канцеларка Ангела Меркел за учеството на Грција во процесот.