Таа во текстот се осврна на пишувањето на Јадранка Косор за Новак Ѓоковиќ, кога вели дека негова најголема мана и вина е што е свој.
– Јадранка Косор, нашата поранешна премиерка, е нечесна личност. Живее во стан украден од две српски момчиња кои беа иселени од центарот на Загреб по смртта на нивните родители само затоа што се Срби. Едно од момчињата се самоубило, но тоа никогаш не ја вознемирило госпоѓата бидејќи се било „според законот“. Наеднаш ја вознемирил Ѓоковиќ, кој, според нејзиното толкување, упаднал во Австралија, иако знаел дека не пуштаат никој што не бил двапати вакциниран. Таа не е единствената која моментално фрла со дрвја и камења по „антиваксерот“ Ѓоковиќ во Хрватска. Сите тие коментатори забораваат дека Ѓоковиќ доби виза. Задевањето на Ѓоковиќ е чист политички чин. Австралискиот премиер се обидува да добие неколку политички поени во „случајот Ѓоковиќ“ пред изборите. Интересно, му прогледаа низ прсти на Надал. Блек Џејмс „Џеси“ Овенс, познат американски спортист, тој беше ѕвезда на Олимпијадата во Берлин во 1936. Освои четири медали. Хитлер не бил воодушевен од неговиот триумф. Приказната за Ѓоковиќ е приказна за Хитлер и по Хитлер. Срамно, но толку типично за доблесниот, нов свет. „Законот е ист за сите.“ Законот никогаш не бил ист за сите и нема да биде. Ѓоковиќ направи се „според законот“. Се прашувам што малкумина прашуваат, колку беше „легално“ да се забрани влезот во Австралија на руската тенисерка Даталија Вихјанцева, иако беше вакцинирана, но кутрата беше со Спутник, што Австралијците не го препознаваат. Да се биде вакциниран денес значи да се биде вакциниран со „фајзер“. Страсните колумнисти не пишуваат за таа дискриминација. За нив тоа е „со закон“ – вели Ведрана Рудан.
– Колку што голем број светски медиуми нагласуваат колку е арогантен Ѓоковиќ и како требало да ги почитува правилата, мислам дека тој им пречи на моќниците од сосема други причини. Ѓоковиќ се спротивставува и поставува прашања. Послушноста денес се цени повеќе од кога било. Сите граѓани на светот имаат демократско право и должност да не размислуваат за себе. Затоа треба да му се отсече главата на Ѓоковиќ. Јас верувам во него. Не би се нашол во ваква ситуација да беше арогантна будала – заклучува Рудан.