Британската Кралска морнарица го зајакнува своето воено присуство во Персискиот Залив со нуклеарни подморници и поморски сили, објави британскиот медиумски извештај.
Подморницата од атомска класа од 7 400 тони, опремена со крстосувачки ракети и тешки торпеда, ќе добие единствена дефанзивна улога, изјави воените извори за таблоидот “Дејли експрес”.
Улогата и е да ги пресретнува комуникациите меѓу иранските војници и да ги препрати назад во поморскиот штаб во Велика Британија.
“Ние испраќаме брод – можеби тој веќе се движи кон регионот”, се цитира изјавата на Кралската морнарица. “Неговата улога е тајно разузнавање, едноставно собирање информации за поддршка на планираните придружни конвои на танкерите”.
Според посебен извештај во “The Sun”, Морнарица, исто така, ќе испрати маринци од специјалната единица 42 Commando, M.
ХМС Данкан, уништувачот на воздушна одбрана тип 45, беше испратен во Заливот претходно овој месец, за да му помогне на британскиот воен брод кој функционира таму,од типот 23 ХМС фрегат Монтроус, со седиште во Бахреин.
Бродот за снабдување RFA Wave Knight, кој моментално е стациониран во Гибралтар, ќе транзитира во регионот во август, додека фрегата ХМС Кент ќе биде распоредена таму во септември.
Морнарица, исто така, има уште четири други пловила и еден пристаништен брод наменети за оваа област. “Ние имаме способност да испратиме повеќе бродови, но за тоа ќе бидат потребни неколку недели, па маринците совршено се вклопуваат во овој краток рок”, изјави воениот инсајдер за “The Sun”.
Премиерката Тереза Мај одржува итен состанок , фокусиран на начините за одржување на безбедноста на превозот во Персискиот Залив.
Властите ги советуваа британските бродови привремено да го избегнат Хормскиот теснец откако во четвртокот Иранскиот револуционерен корпус привремено задржа два британски танкери.
Еден од танкерите беше ослободен, додека другиот беше однесен во пристаниште во јужен Иран за понатамошна истрага.
Техеран тврди дека танкерот ги игнорирал итните повици на ирански рибарски брод и се судрил со него.
Во исто време, претставниците на Техеран посочија дека нападот дојде како одговор по притворањето на иранскиот танкер во Гибралтар, кој наводно пренесувал иранска нафта до Сирија, спротивно на санкциите на ЕУ.