Лидерот на напопуларната партија во Италија, ЛИГА, поранешниот министер за внатрешни работи, Матео Салвини, видно бесен, преку социјалните медиуми упати салва на критики кон Германија и нејзината канцеларка, Ангела Меркел.
Реакцијата на Салвини беше резултат на натписот во германскиот весник Ди Велт, во кој италијанците беа опишани како мафија која не прави ништо освен што чека пари од Брисел и поради тоа Италија мора да биде под строг мониторинг од страна на Унијата.
” Италијанците мора да бидат контролирани ” од Европската комисија… ” Мафијата само чека нов пороен дожд од пари од Брисел…”
Така, денес пишува германскиот весник Die Welt.
Срам да ви е.
Засрамете се и исплакнете ја устата кога зборувате за Италија: се збогативте благодарение на еврото од кое корист има само за Германија и сега сакате да “контролирате” и да држите лекции???
Подобро сами, слободни и силни како што бевме и како што можеме да бидеме, отколку понижени, контролирани, осиромашени и со лоши придружувани, коментираше Салвини.