Бугарската Социјалистичка партија ќе ја напушти владејачката коалиција доколку властите во земјата одобрат испраќање воена помош за Украина, изјави бугарската вицепремиерка Корнелија Нинова, која ја претставува Социјалистичката партија.
„Бугарската социјалистичка партија ќе ја напушти владејачката коалиција доколку владата гласа за воена помош за Украина“, ја цитираше нејзината изјава радио станицата БНР .
Бугарскиот претседател Румен Радев претходно категорично се изјасни против испораката на воена помош за Украина. Тој во разговор со новинарите рече дека тоа би значело вклучување на Бугарија во конфликтот.
На почетокот на март, Унгарија објави дека има намера да избегне вмешаност во украинската криза и дека нема да испорачува оружје на Украина .