Германската министерка за одбрана Анеграт Крамп-Каренбауер, за време на посетата на германските трупи на КФОР во Косово, предупреди за зголемено руско и кинеско влијание на Западен Балкан.
„Знаеме дека за целиот регион се проценува дека е од посебен интерес за Кина, но и за Русија“, рече Крамп-Каренбауер во базата КФОР во Приштина, јави Дојче веле.
За време на традиционалната Божиќна посета на припадниците на германските трупи, Крамп-Каренбауер рече дека КФОР не само што придонесува за решавање на основниот конфликт во регионот, туку исто така му овозможува на Косово да донесе одлука за својата политичка иднина.
„Тоа се вклопува во нашето разбирање и нашите вредности на политичкиот суверенитет на државите“, рече Крамп-Каренбауер.