“Ова дефинитивно не е дел од договорот меѓу ирачката влада и САД”, рече Бархам Салих
Багдад во никој случај нема да дозволи Вашингтон да ги користи воздушните бази на ирачката територија за воздушен напад врз Иран, рече ирачкиот претседател Бархам Салих во интервју за Си-Ен-Ен во вторникот.
“Ние не сакаме нашата територија да биде водечка позиција за каква било непријателска акција против кој било од нашите соседи, вклучувајќи го Иран”. “Ова дефинитивно не е дел од договорот меѓу ирачката влада и САД”.
Ирачкиот лидер повтори дека Багдад ги поканил војниците на САД и антитерористичката коалиција на својата територија само со една цел – да се борат против терористичката група Исламска држава .
Тензиите меѓу Иран и САД се интензивираа откако два танкери се запалија во Оманскиот Залив по наводниот напад на 13 јуни. Вашингтон го обвини Техеран за инцидентот, Велика Британија и Саудиска Арабија ја поддржаа оваа изјава. Иранското Министерство за надворешни работи ги негираше овие обвинувања.
На 20 јуни, иранските вооружени сили го соборија американското беспилотно летало RQ-4. Во пресрет на инцидентот, САД, според претседателот Доналд Трамп, подготвија воена операција, вклучувајќи и напади против три објекти на иранската територија. Трамп рече дека ја откажал операцијата десет минути пред да се случи.