Според претставникот на претседателот Зеленски, Русија има агенти во одбранбениот сектор на Украина кои пренесуваат информации до Москва и ѝ овозможуваат на Русија да ги предвиди украинските потези на бојното поле.
Федир Вениславски на прес-конференцијата рече: „Не можеме да го потцениме непријателот“. За жал, нивната главна разузнавачка агенција има многу агенти, вклучително и во нашиот одбранбен сектор. Мислам дека тие делумно ги разбираат следните чекори на нашите вооружени сили што ќе се случат во блиска иднина“, рече тој, цитиран од Ројтерс.
Украина од почетокот на војната ги објавува и се справува со оние кои ги нарекува предавници, агенти и соработници. Во една од овие „чистки“ беа сменети самиот врв на украинската разузнавачка служба и неколку стотици службеници. Зеленски тврди дека ненадејниот пад на јужна Украина (особено Херсон и Херсонската област) бил токму чин на предавство што бил планиран неколку месеци однапред во соработка со Москва.