ВИЕНА – Австрискиот канцелар Себастијан Курц денеска се изјасни за целосна солидарност на ЕУ со Грција и Кипар, како и јасна реакција кон Турција.
„Европа не смее да гледа настрана од ова јасно кршење на меѓународното право“, рече тој за новата конфронтација меѓу Грција и Турција.
Курц бара ЕУ силно да ја осуди Турција и да преземе конкретни мерки против таа земја, бидејќи во спротивно, предупредува тој, ЕУ го губи кредибилитетот, се наведува во изјавата што ја пренесува Танјуг.