Кога беше формирана коалициската влада во Германија, медиумите, според Лавров, објавија дека членовите на коалицијата, како дел од владината програма, предложиле повлекување на американското нуклеарно оружје од Германија.
„Господинот Столтенберг (генералниот секретар на НАТО) тогаш рече дека ако Германија не сака нуклеарно оружје на нејзина територија, тогаш НАТО ќе го премести на исток“, рече Лавров.
Според Лавров, Лукашенко едноставно реагирал на таквите изјави, „кои се апсолутно неодговорни и имаат за цел да предизвикаат вооружен конфликт“.
Рускиот министер оцени и дека, доколку Западот не е подготвен за дијалог за безбедносните гаранции, Русија залудно се обидува.
Лавров потсети дека рускиот претседател Владимир Путин претходно изјави дека Москва претпочита дијалог, кој ќе резултира со општо прифатливи договори кои ќе обезбедат колективна безбедност, а во исто време и безбедност на секој од учесниците во договорот.
„И ние сме подготвени за тоа. Но, ако нашите западни партнери ја изгубија или ја губат културата на дијалог, културата на наоѓање компромиси, излегува дека тропаме на врата која никогаш нема да се отвори“, посочи Лавров.
Според Лавров, Русија ќе продолжи да ги потиснува сите обиди за уцена и мешање во нејзините работи.