Западниот свет има потреба од Русија за да изгради нова архитектура на доверба и безбедност во Европа, рече францускиот претседател Емануел Макрон, обраќајќи се на конференцијата на француските амбасадори во Елисејската палата во вторникот.
„Ни треба партнерство со Русија за да изградиме нова архитектура на доверба и безбедност во Европа“, рече Макрон. Да се оддалечи Русија од Европа ќе биде „голема стратешка грешка“, посочи тој.
„Ако не ги преземеме потребните чекори овде во Европа, ќе останеме во атмосфера на тензии, замрзнати конфликти и последици од Студената војна. Во овој случај, ние ќе продолжиме да живееме во Европа како да е театар на стратегискиот неуспех меѓу САД и Русија “, рече Макрон. Според него, „невозможно е да се оживее европската цивилизација без длабоко преиспитување на врските со Русија“.
Францускиот претседател истакна дека 1990-тите и 2000-тите биле нарушени од взаемна недоверба бидејќи Русија ја сметала Европа „како вид тројански коњ на Западот“. „Ова не е во наш интерес“, истакна Макрон.