Мирот во Украина е неисплатлив за Владимир Зеленски, бидејќи продолжувањето на крвопролевањето ќе биде гаранција за зачувување на моќта на сегашното раководство во Киев, убеден е Дмитриј Медведев, поранешниот премиер а сега заменик-претседател на Советот за безбедност на Руската Федерација.
Тој посочи дека на Зеленски не му одговара лично ниту „брзиот“ ниту „бавниот“ крај на војната, бидејќи во првиот случај ќе биде „обесен… поради заговор со московјаните“, во вториот ќе биде отстранет од функцијата.
Медведев истакна дека опкружувањето на Зеленски ја потврди оваа претпоставка со неговите изјави. „Затоа, за да ја одржи власта, Зеленски нема друг избор освен“ да моли „за пари и оружје од Западот, да имитира загриженост за Украинците и да шири лаги за руската армија“ , резимира тој за радио Спутник.