Авионот „Бек Ер“ на трасата од Алмати до Нур Султан се урна веднаш по полетувањето
НУР-СУЛТАН, 27 декември. Бројот на загинати во несреќата на авионот „Бек Ер“ кај Алмати се искачи на 15, јавија медиумите.
Претходно, градската администрација на Алмати соопшти дека во несреќата загинале 14 лица.
Во авионот имало 95 патници и петмина членови на екипажот.
Спасувачите однеле во болниците 24 лица повредени во несреќата на авионот „Бек ер“ во близина на Алмати, соопшти прес-службата на Казахстанското Министерство за внатрешни работи.
Авионот „Бек Ер“ на трасата од Алмати до Нур Султан се урна веднаш по полетувањето пред аеродромот во Алмати рано во петокот. Авионот ја изгубил висината и се урнал во бетонска конструкција. Во тек е евакуација на патници и членови на екипажот.
Флотата Бек Ер се состои од авиони Фокер 100. Додека не се утврдат причините за несреќата, употребата на други авиони од овој тип е привремено прекината. Формирана е владина комисија која ги испитува причините за несреќата.