Во Ерусалим повторно избија судири меѓу израелската полиција и Палестинците. Полицијата употреби гумени куршуми и солзавец, додека насобраните Палестинци им фрлаа остриги.
Ова е втор ден како полицијата и Палестинците се судираат на улиците во Ерусалим, а во немирите што се случија синоќа , 205 Палестинци и 17 полицајци беа повредени.
Палестинската Црвена полумесечина објави дека има повредени и вечерва, но дека безбедносните сили не им дозволиле да се пријдат.
Околу 90.000 Палестинци се собраа пред џамијата Ал Акса, за време на најсветата ноќ во месецот Рамазан, кога започнаа судирите.
Судирите избувнаа во источен Ерусалим, каде полицијата употреби шок бомби и „смрдливи“ гранати, пренесува израелски „Хаарец“. И во тој дел, Палестинците фрлаа камења и кон полицијата.
Israeli police on Saturday arrested 20+ Palestinians protesting evictions of Palestinian families in #SheikhJarrah, says Haaretz.
Police blocked buses of Muslims from Jerusalem for Ramadan prayers but have reportedly approved an Israeli "Jerusalem Day" parade in the same area. pic.twitter.com/FDH5woxMsQ
— AJ+ (@ajplus) May 8, 2021
Палестинската Црвена месечина објави дека има повредени за време на конфликтот, но дека безбедносните сили не им дозволиле да пријдат.
Израелската армија соопшти дека околу 450 жители на Газа протестирале во близина на граничната ограда во знак на солидарност со Палестинците во Ерусалим. Воени извори соопштија дека демонстрантите палеле гуми и фрлале експлозивни направи, а војниците користеле опрема за разбивање на демонстрациите.
Претходно денес, полицијата во Ерусалим запре десетици автобуси со верници на пат кон џамијата Ал Акса, па многумина продолжија пеш. Полицијата изјави дека не сака да го затвори пристапот до Ерусалим, туку да спречи лица во Ерусалим, кои, како што изјавија, имале намера да предизвикаат немири.
Судирите во близина на џамијата Ал Акса во Ерусалим се резултат на повеќедневни тензии и смртта на двајца Палестинци во четвртокот, откако израелските безбедносни сили одговорија на напад со огнено оружје од три лица врз израелска база на окупираниот Западен брег, објави претходно агенцијата АП.