МИЛАН – Гневни италијански демонстранти запалија контејнери во центарот на Рим, превртуваа паркирани мопеди и електрични скутери, фрлаа димни бомби, протестирајќи против новите ограничувања воведени за сузбивање на епидемијата на коронавирус.
Полицијата реагираше со сила да го растера протестот, а користеше и црева.
Демонстрантите, вклучително и некои со качулки и членови на крајни десничарски групи, протестираа против скратувањето на работното време на кафулињата, рестораните, спортските сали, кината и театрите.
Денеска е петти последователен ден на насилни протести во Италија, поради што во претходните денови во текот на ноќта беше воведен полициски час во Неапол и Рим.
Откако синоќешниот протест во Милано се претвори во хаос, полицијата уапси 28 лица.
Најмалку 11 лица беа уапсени во Торино, од кои две го скршиле излогот на бутик од луксузната марка „Гучи“ .
Повеќе од 250.000 смртни случаи се регистрирани во Европа како резултат на инфекција со коронавирус, пренесува Бета.
Европските влади се обидуваат да спречат ширење на инфекцијата со ограничувања за да се избегне пренатрупаност, а здравствениот систем се распаѓа.
Од друга страна, незадоволството од повторното воведување на ограничувањата расте низ целиот континент.
Воведен е ноќен полициски час во француските градови, училиштата се затворени во Северна Ирска и Чешка.
Германските власти воведоа забрана за патување во некои области во близина на границата со Австрија.
Во рамките на целиот континент се воведуваат построги регулативи во врска со употребата на маски, вклучително и во Русија.
Шпанските лекари денеска штрајкуваа низ целата земја, првпат по 25 години, поради лошите услови за работа.