„Тие се единствените решени да ја користат Украина како топовско месо за да ја ослабат Русија и да ги жртвуваат Украинците за да им служат на нивните хегемонистички амбиции и геополитички цели“, додаде кинескиот функционер.
Западните земји планираат да ја користат Украина како „топовско месо“ за да ја ослабат Русија и да ја задржат нејзината хегемонија, изјави денеска кинескиот заменик министер за надворешни работи Ле Јученг.
„Кина нема геополитички цели во таа криза. Напротив. Некои големи сили не направија ништо за да помогнат во решавањето на овој проблем или да посредуваат во мировните преговори. Тие се обидуваат да ја искористат кризата за да ја ослабат Русија и да се борат до последниот Украинец“, рече Јученг пред Форумот за мир и демократија, пренесува ТАСС.