Повеќе од 1.000 опозициски демонстранти се собраа денес во Минск, Белорусија, во знак на протест против планираната поголема интеграција со Русија.
Протестите се случуваат во време кога белорускиот претседател Александар Лукашенко одржува разговори со рускиот претседател Владимир Путин во Сочи.
Двајцата лидери разговараат за економски договори според кои поранешните советски соседи и сограѓани треба да се приближат.
Лукашенко, кој управува со Белорусија повеќе од четвртина век, се потпира на ефтината руска енергија и заеми, за да ја одржи економијата од советски тип.
Кремлин го зголеми притисокот врз Белорусија со зголемувањето на цените на енергијата и со намалувањето на субвенциите, но Лукашенко вети дека нема да се откаже од пост-советската независност за Белорусија.
Некои во земјата стравуваат дека овие договори може да бидат увертира за целосно спојување, загриженост поттикната од анексијата на Крим од страна на Русија во 2014 година.