Министерството за одбрана на Русија има информации дека од 2017 година Америка развива вакцина mRNA која предизвикува болести и здравствени компликации.
Ова го изјави началникот на одделот за радијациона, хемиска и биолошка заштита при руската армија Игор Кирилов.
Како што рече, тие вакцини предизвикале болести и компликации како што се менингитис, анафилактичен шок, инфаркт и мозочен удар.
Дополнително, како што појасни, компаниите „Фајзер“ и „Модерна“ добиле милионски договори од американската влада за производство на лекови за санирање на несаканите ефекти и лекување на болести предизвикани од вакцинација.
„Ова им овозможува на американските фармацевтски компании целосно да ја искористат појавата на нови патогени и да ги претворат во неограничен профит“, посочи тој.
Кирилов рече и дека Министерството за здравство на една централноафриканска земја во моментов го истражува вештачкото ширење на еболата од американски биолози.
„Загриженоста е предизвикана од фактот што изолираниот вид „Судан“ е целосно идентичен со вирусот што циркулираше во Африка за време на епидемијата во 2012 година“, рече Кирилов.
Исто така, како една од верзиите се зема предвид можноста за невнимателно ракување со патогени од американски биолози кои биле ангажирани во проекти во тој регион.
На брифингот Кирилов ги соопшти и имињата на украинските научници кои се занимавале со американски воено-биолошки проекти, а меѓу нив има и претставници на украински државни институти, како и приватни компании.
Станува збор за Сергеј Моргун (шеф на санитарно-епидемиолошката управа на украинската армија), кој беше ангажиран во проектот УП-8 и беше ангажиран во истражување на хантавирус, кој го замени Сергеј Литовка – шеф за истражување и тестирање на Кримско-Конго вирус на хеморагична треска и хантавирус кај украинските војници.
На списокот се најде и Владимир Курпита, шефот на Центарот за јавно здравје, кој вршеше сеопфатна контрола и ја водеше комуникацијата на украинските специјалисти со Американците, а во исто време беше вклучен и во собирањето биолошки примероци од украинските граѓани. заради нивно испраќање во странство.
Кирилов ја спомена и шефицата на лабораторијата во Центарот за јавно здравје на украинското Министерство за здравство, Ирина Демчишина, која делуваше како посредник меѓу американските и украинските компании.
Тој исто така предупреди дека и покрај сите овие објавени информации, Киев продолжува да соработува со Пентагон за најопасните патогени за луѓето, како што се антракс, сипаници, чума, ебола – вкупно 50 различни видови бактерии и вируси.