Особено загрижува тоа што лекарите за вирусот во кој загинаа две лица, не знаат скоро ништо, не го знаат неговото потекло и не знаат како се пренесува, а веќе се шири во неколку држави
Бројот на заразени со мистериозниот вирус во Кина е поголем отколку што велат официјалните бројки. Официјално се тврди дека загинале 50 лица, од кои две починале, но научниците од БиБиСи велат дека бројката на заразени до сега е 1.700.
„Јас сум далеку повеќе загрижен за оваа болест денес отколку што бев пред една недела“, рече Нил Фергусон , специјалист за вируси и епидемии, а Светската здравствена организација предупреди дека постои силна можност за ширење епидемија.
Хонг Конг и Сингапур започнаа да ги заоструваат контролите за здравствена заштита на патниците на аеродромите, особено од Кина, а истите мерки ги најавија и американските воздушни служби, кои ќе започнат со контролите на три главни аеродроми, Сан Франциско , Лос Анџелес и Њујорк .
Поточно, безбедносните мерки се значително зголемени бидејќи милиони Кинези во моментот патуваат од и кон Кина за лунарните новогодишни празници, што предизвикува загриженост за ширење на болеста во другите делови на светот.
Како научниците дошле до бројката на заразени?
Клучните бројки ќе бидат регистрирани во други земји, освен во Кина. Иако епидемијата се случи во Вухан , два случаи беа пријавени во Тајланд и еден во Јапонија .
Невозможно е да се утврди точниот број на заразени, но со анализа на ширењето на вирусот, бројот на локалното население во Вухан и бројот на патници може да доведе до приближна бројка.
Аеродромот во Вухан го користат 19 милиони луѓе, но меѓународните летови секојдневно ги користат 3400. Деталната пресметка објавена од научниците откри 1700 случаи заразени со непознат вирус на пневмонија.Она што особено загрижува е што лекарите сè уште не знаат ништо за вирусот, не го знаат неговото потекло и не знаат како се пренесува. Професорот Фергусон предупредува дека треба сериозно да се сфати дека вирусот се пренесува од личност до личност, а токму разбирањето за преносот на вирусот е најважната информација за тоа колку може да биде опасно и како може да се запре.
Она што е познато досега, но сè уште не 100% сигурно, е дека вирусот еруптирал на пазарот за морска храна Вухан. Сепак, збунувачки е што околу 50 пациенти тврдат дека никогаш не биле таму.
Лекарите сметаат дека ова е нов вид коронавирус , кој многу лесно може да се шири во многу земји. Коронавирусите се големо ’семејство’ на вируси, но досега само шест имаат заразени луѓе.
Првично, тие предизвикуваат настинки, но потоа се појавуваат акутни респираторни проблеми. Таков беше случајот со САРС во Кина во 2002 година, од осум илјади луѓе, 774 починаа.
Анализата на генетскиот код на новиот вирус покажува дека е најблизу до САРС.