Грчки и турски воени бродови се судрија во источниот Медитеран, соопшти грчкото Министерство за одбрана, опишувајќи го настанот како „несреќа“.
Во текот на оваа недела, тензиите на релација Атина – Анкара пораснаа откако Турција испрати истражувачка компанија придружена со воени бродови со цел мапирање на делот од медитеранското дно, каде се верува дека се наоѓаат наоѓалишта на нафта и бензин.
Greek and Turkish warships in 'mini collision', says defence source https://t.co/ItSj56eEZY pic.twitter.com/3MkoLjetA8
— Kathimerini English Edition (@ekathimerini) August 14, 2020
И двете држави го бараат правото на тој дел од Медитеранот, така што за денеска е закажана средба на шефовите на дипломатијата на земјите членки на ЕУ.
Турски истражувачки конвој се движеше низ водите помеѓу Кипар и грчкиот остров Крит, а нивната навигација беше набљудувана и надгледувана од грчки воени бродови.
Во еден момент за време на маневарот, дошло до судир помеѓу грчки и турски воен брод.
„Тоа беше несреќа“, изјави грчки извор за Ројтерс .
Турција не го коментираше инцидентот во Медитеранот, но претседателот Реџеп Таип Ердоган се закани со одмазда против секој што ќе се осмели да нападне турски истражувачки брод.