Руското Министерство за внатрешни работи објави видео со Дарија Трепова, која беше приведена поради сомнение дека е вмешана во експлозија во кафуле во Санкт Петербург, во која загина воениот кореспондент Владлен Татарски, а беа повредени 32 лица.
На снимката девојката признава дека донела фигура на состанокот со Владлен Татарски, која експлодирала.
„Бидејќи, би рекла, бев на местото на убиството на Владлен Татарски. Донесов фигура која експлодираше“, рече Трепова, одговарајќи на прашања за нејзиниот притвор.
Во исто време, таа рече дека подоцна ќе извести за оние кои и дале фигурина со експлозивна направа.
Претходно , Националниот антитерористички комитет изјави дека убиството на воениот дописник Владлен Татарски било планирано од специјалните служби на Украина со вмешаност на агенти од Фондот за антикорупција (ФБК) забранет во Русија. Трепова, според Руските медиуми , е активен поддржувач на ФБК. Како што претходно објави извор, девојката префрлала донации на ФБК.
26-годишната Дарија Трепова е приведена утрото на 3 април во еден од становите во Санкт Петербург. Според РЕН ТВ , Трепова изнајмила стан до кафулето каде што се случила експлозијата.
Таа дошла на креативен состанок на воениот коресподент Владлен Татарски и му подала статуетка во која била поставена бомба. Како резултат на експлозијата загина воениот дописник , а 32 лица беа повредени.
За настанот е покрената кривична постапка по два члена: „Убиство извршено на општо опасен начин“ и „Недозволено набавување, пренесување, продажба, складирање, транспортирање, пренесување или носење експлозивни материи или експлозивни направи“.