КИЕВ – Михаило Подољак, советник на украинскиот претседател Володимир Зеленски, вечерва изјави дека украинските преговарачи се подготвени за секаков формат на преговори со руската страна во Мариупол, со цел да се спасат животите на цивилите и припадниците на украинските сили.
Подготвени сме да одржиме специјална рунда преговори… Еден на еден, два на два…“ во Мариупол, објави Подољак на Твитер.
Според АП, тој рекол дека Украина е подготвена за преговори без никакви услови, со цел да се спасат животи.
Да ги спасиме животите на „нашите момци, Азов, војска, цивили, деца, преживеани и ранети. Сите, затоа што се наши, затоа што се во моето срце засекогаш“, изјави Подољак