Ги повикуваме турските власти да и помогнат на Украина, изјави украинскиот амбасадор во Анкара Вадила Боднар
Украина побара од Анкара да го ограничи минувањето на руските воени бродови низ Босфор и Дарданелите, откако Русија рано утринава ја нападна Украина.
– Ги повикуваме турските власти да и помогнат на Украина. Бараме Босфорот и Дарданелите да бидат затворени за руските воени бродови, изјави украинскиот амбасадор во Анкара Вадили Боднар, според извештајот на турскиот весник „Јени афафак“, пренесува ТАСС.
Парламентот на Врховната рада на Украина денеска го потврди указот на претседателот Володимир Зеленски за воведување воена состојба на територијата на целата земја, пренесоа украинските медиуми.
Зеленски утрово изјави дека прогласува воена состојба откако рускиот претседател Владимир Путин нареди специјална воена операција во Донбас во источна Украина, пренесува „Тасс“.