Калифа нема да наседне како Гадафи.
Источна Либија, каде контролата ја има генералот Калифа Хафтар, го прекина извозот на нафта, намалувајќи го либискиот извоз за повеќе од половина. Драматичниот потег доаѓа непосредно пред конференцијата во Германија, што ќе се одржи утре.
Имено, во Берлин, многу актери ќе се обидат да го убедат Хафтар да ја запре опсадата на Триполи, која трае веќе 9 месеци. Овој потег е директно поврзан со конференцијата во Германија и притисокот што таму ќе се изврши над Хафтар.Портпаролот на Источната либиска власт (ЛНА) Ахмед Мисмари во интервју за новинарите изјави дека либискиот народ ги затвори нафтените пристаништа.
Сепак, многумина веруваат дека затворањето на нафтените пристаништа не би било можно без одлука на највисокото раководство на ЛНА. Да се потсетиме, повеќето од нафтените ресурси во Либија и пристаништата за извоз се наоѓаат на истокот на земјата.