Цените на фјучерсите на гасот во Европа повторно надминаа 1.700 долари на почетокот на тргувањето, со раст од речиси 9 отсто, покажуваат податоците на лондонската берза ICE.
Вредноста на јануарските фјучерси според холандскиот индекс TTF на отворањето на тргувањето изнесуваше 1,710.3 долари, а во 8.01 по централно европско време веќе се зголеми на речиси 1.740 долари , што е 8,7 отсто повеќе од проценетата цена во петокот (скоро 1600 $ ). Фјучерсот потоа малку ја забави стапката на раст на 1.706 долари во 20:09 часот.
Цените на гасот значително се зголемија минатиот четврток, од минимум 1.450 долари на над 1.700 долари за илјада кубни метри. Ваквиот скок би можел да се поврзе со изјавите на шефот на германската Федерална мрежна агенција, Јохан Хоман, дека одлуката за сертификација на гасоводот „Северен тек 2“ најверојатно нема да биде донесена во првата половина на следната година.