Москва го смета потегот на Црна Гора: давање политички азил на бизнисменот Телман Исмаилов за непријателски чекор, изјави денеска рускиот амбасадор во Црна Гора Владислав Маслеников за црногорската национална телевизија.
„Не сум слушнал за некакви негови политички достигнувања, освен дека се дружел со поранешни руски, а мислам и црногорски политичари. „Русија смета дека Подгорица презела непријателски чекор давајќи политички азил на Исмаилов, кој е обвинет за тешки злосторства во Русија, а го бара и Интерпол“, нагласи дипломатот.
Маслеников смета дека Црна Гора прекршила некои од одредбите на Конвенцијата од 1951 година кои се однесуваат на статусот на бегалците. „Очекуваме Подгорица да екстрадира уште неколку лица гонети по потерница од Интерпол“, нагласи амбасадорот. На 2 февруари Москва му забрани влез на државниот секретар во Министерството за внатрешни работи на Црна Гора, Зоран Миљаниќ, како одговор на одлуката на Црна Гора да му даде политички азил на Телман Исмаилов. Исмаилов, поранешен сопственик на маркетот Черкизовски во Москва, беше приведен во Црна Гора на 1 октомври 2021 година и беше сослушан во Подгорица.
Руското државно обвинителство испрати барање за негова екстрадиција. Сепак, бизнисменот доби политички азил во Црна Гора и беше пуштен на слобода. Рускиот истражен комитет го стави на меѓународна потерница во 2017 година. Во Русија, Исмаилов беше обвинет во отсуство за две убиства, нелегална трговија со оружје и киднапирање на пејачот Аврам Рас.
Телман Исмаилов е роден во Азербејџан и е сопственик на AST Group, која има десетици компании ширум светот. По раскошното отворање на хотелски комплекс во Анталија, Турција, тогашниот премиер Владимир Путин наводно бил бесен што Исмаилов инвестирал толку многу во странство и се фалел со своето богатство додека Русија била во економска криза. Исмаил е познат по својот развратен начин на живот. Беше виден во друштво на многу холивудски личности, а на славните пејачи знаеше да им даде суми од над милион долари за само неколку песни.
На отворањето на истиот хотел за кој Путин го критикуваше, Мардан Палас, најскапиот хотел во Европа, чија изградба чинеше над 1,5 милијарди долари, според црногорскиот портал vijesti.me бил тогашниот црногорски премиер, а денес претседател Мило Ѓукановиќ. . Синот на олигархот Алекпер Исмаилов, го купи „Казино Авала“ во 2018 година, со што го презеде управувањето со казиното во Будва.