Водителот на Фокс Њуз, Такер Карлсон, во својата емисија објави список со имиња на луѓе за кои тврди дека се починати, а „гласале“ на претседателските избори на 3 ноември во Америка.
Карлсон изјави дека тие „најверојатно гласале за Бајден“, додавајќи дека тоа покажува дека „не можете вистински да знаете кој сè гласал“.
Tucker Carlson had a scrolling list of dead people who voted in the election tonight. pic.twitter.com/2FtXkDbtRJ
— Evan Kilgore 🇺🇸 (@EvanAKilgore) November 12, 2020
„Демократите целосно го сменија начинот на кој гласавме на овие избори. „Нашиот систем никогаш не бил полошо организиран и подложен на манипулации“, рече Карлсон, посочувајќи ги гласовите што пристигнале по пошта во тој контекст.
Карлсон покажа список со најмалку 25 имиња на починати лица за кои тврди дека „гласале“ на изборите.
Меѓу нив има жители на Џорџија, Пенсилванија и Невада, објави „Дејли меил“.
Tucker Carlson teeing off on the Liberal media.pic.twitter.com/N6BUTykmzC
— John D ● (@RedWingGrips) November 12, 2020
Да потсетиме, рачно пребројување на гласовите од претседателските избори во Америка ќе се изврши во Џорџија.
Како што најави државниот секретар Бред Рефенспергер, гласовите од сите 159 области на Џорџија ќе се бројат рачно.
„Тоа ќе помогне во градењето доверба и во исто време ќе биде ревизија, пребројување и корекција на можните грешки. Ќе биде тоа тешка работа “, рече Рефенспергер во средата.
Според него, сегашната разлика меѓу двајцата кандидати, Доналд Трамп и Џо Бајден, е околу 14 000 гласови. Тој истакна дека неговата канцеларија ги испитува извештаите за сите можни нерегуларности и додаде дека „ ќе биде преброен секој законски глас“.
Конечните резултати од претседателските избори во Америка сè уште не се познати, иако некои медиуми го прогласија демократскиот кандидат Бајден за победник врз основа на изборните проекции.
Трамп не ги призна проекциите дека Бајден е победник на претседателските избори и постојано го критикува гласањето по пошта, наведувајќи дека тоа го отвора патот до можна изборна измама.