Грција ги суспендираше новите барања за азил во текот на следниот месец, велејќи дека веднаш ќе ги врати сите што илегално влегуваат во земјата.
Грчките власти велат дека спречиле скоро 10,000 мигранти да ја преминат границата од Турција.
Премиерот Кирјакос Микотакис рече дека Грција го зголемила „максимум нивото на одвраќање од границите“.
Грција денеска објави дека се соочува со сериозна закана од илјадници мигранти на нејзините граници бидејќи Турција им го овозможила нивното движење.
„Во овие услови, сегашната состојба е активна, сериозна, тешка закана за националната безбедност на Грција“, рече владиниот портпарол Стелиос Пекас.
Според него, Турција го охрабрува ваквото движење на мигрантите, пренесува Ројтерс.
Бидејќи Анкара објави дека повеќе нема да ги спречува мигрантите да се преселат во ЕУ, голем број луѓе се собрале на границата со Грција, каде имало инциденти кога грчките полицајци користеле солзавец против мигрантите кои ги каменувале.
Синоќа грчката влада објави дека биле спречени 9.972 лица да влезат во Турција околу Евбос и дека се уапсени 73 лица.