КАРАКАС – Соединетите држави изготвуваат план за војна против Венецуела, изјави претседателот на Венецуела Николас Мадуро на средбата со гувернерите и градоначалниците во Каракас.
„Тие решија да направат план за донесување војна и тероризам во Венецуела, да ја дестабилизираат и наполнат со насилство, да започнат вооружен конфликт и да ја оправдаат воената интервенција во нашата земја“, рече Мадуро на состанокот што се емитуваше на државната телевизија, пренесува ТАСС.
Мадуро рече дека Соединетите држави го избрале Бразил за сојузник во оваа шема.
„Бараме од демократските и хуманитарните кругови, народот на Бразил и вооружените сили на таа земја да запрат со какви било авантури против Венецуела од страна на американскиот претседател Доналд Трамп, со поддршка на бразилскиот претседател Жаир Болсонаро“, рече Мадуро.
Тензиите во Венецуела ескалираа откако лидерот на опозицијата Хуан Гваидо, чие назначување за претседател беше поништено од Врховниот суд, на 23 јануари 2019 година се прогласи за вршител на должноста претседател и беше признат од САД.
Мадуро ова го нарече обид за пуч.
Русија, Белорусија, Иран, Кина, Куба, Никарагва, Сирија и Турција му дадоа поддршка.