Лидерот на либанскиот Хезболах Саид Хасан Насрала денеска ги негираше извештаите за испраќање борци и експерти да се борат на страната на Русија во Украина, јави либанската телевизија Ал Мајадин.
„Никој од Хезболах, ниту борец ниту експерт, не отиде во таа арена или која било арена од тие војни“, рече Насрала.
Минатата недела рускиот претседател Владимир Путин одобри распоредување на околу 16.000 доброволци од Блискиот Исток со борци кои ја поддржуваат Русија да се бори во Украина, потсетуваат агенциите.
Проиранскиот Хезболах и Русија се на страната на силите на сирискиот претседател Башар Асад во граѓанската војна во земјата.