Американскиот претседател Џо Бајден е воен злосторник, вели Роџер Вотерс, еден од основачите на музичката група Пинк Флојд. Овој британски музичар го изјави ова за Си-Ен-Ен.
Според Вотерс, Бајден продолжува да „долева масло на огнот“ во конфликтот во Украина. Музичарот смета дека се работи за тешко кривично дело од страна на претседателот на САД.
Исто така, на Роџер Вотерс не му е јасно зошто Вашингтон не може да го повика украинскиот претседател Володимир Зеленски да започне преговори со Русија за прекин на конфликтот.
Освен тоа, основачот на Пинк Флојд го обвини НАТО дека создава конфликт во Украина. Вотерс рече дека руската специјална операција започнала како одговор на движењето на алијансата блиску до руските граници, и покрај ветувањата на организацијата до Москва дека нема да го стори тоа.
„Започна во 2008 година кога на самитот на НАТО за првпат беше отворена темата за членство на Украина и Грузија во алијансата. “ , нагласи британскиот музичар.
Роџер Вотерс моментално е на турнеја наречена „This Is Not A Drill“. Тој во своите говори допира отворено политички теми. На пример, музичарот покажува фотографии од „воени злосторници“, меѓу кои е присутен и Џо Бајден.
Претходно беше објавено дека поранешниот американски претседател Доналд Трамп не ја исклучил можноста за избувнување на Трета светска војна. Според него, по влошувањето на ситуацијата во Украина, може да следи конфликт околу Тајван. Трамп ја префрли вината за она што се случува на актуелната администрација и лично на американскиот претседател Џо Бајден.
Според Доналд Трамп, Бајден и неговата администрација со сопствената неспособност дозволиле да еруптира ситуацијата во Украина, а сега прават се за да започнат вооружен конфликт меѓу Кина и Тајван.