Палестинскиот лидер, Махмуд Абас, најави прекинување на сите врски со Израел и Соединетите држави, вклучително и безбедносната соработка, неколку дена откако Вашингтон објави мировен план за Блискиот исток.
„ Сакаме да ве известиме дека повеќе нема да имаме никакви врски со Израел и САД, вклучително и безбедносна соработка“, рече Абас на состанокот на Арапската лига во Каиро, додавајќи дека планот на САД е „кршење на договорот за автономија“, постигнат во Осло во 1993 година. меѓу Израел и Палестинците.
Абас објаснува дека одлуката дошла откако Израел и САД се повлекле од потпишаните договори и меѓународниот легитимитет.
– Израел ќе мора да сноси одговорност како окупаторска сила за палестинските територии. Палестинците ќе продолжат легитимно да се борат за своите права користејќи мирни средства, рече Абас.
Според мировниот план на САД, Израел ќе ја задржи контролата врз Ерусалим како „неподелена престолнина“ и ќе анектира населби на палестинска земја. Претседателот на САД, Доналд Трамп изјави дека Палестинците ќе можат да прогласат главен град внатре анектираниот Источен Ерусалим.
Палестинските водачи го отфрлија договорот, велејќи дека тој заслужува да биде „фрлен во ѓубрето на историјата“.