Сенатот на САД, во кој мнозинството имаат демократите, ја прифати мерката предложена од републиканците со која би се поништила одлуката на Бајден да воведе задолжителни вакцини или тестирања во приватни компании.
Двајца демократски пратеници се приклучија на иницијативата на Републиканците, која на тој начин беше изгласана со 52 гласа за и 48 против, пред да биде испратена во Претставничкиот дом.
Законот ќе ја отфрли мерката на администрацијата на Бајден која предвидува задолжителна вакцинација или тестирање на коронавирус за сите вработени во компаниите со повеќе од сто вработени, а ќе вклучи милиони вработени.
Двајца демократи им се придружија на републиканците и обезбедија мнозинство
Републиканскиот Сенатор Мајк Браун, кој ја иницираше резолуцијата, потврди дека Бајден нема овластување да ги наметнува барањата. Браун го прослави гласањето во средата навечер.
„Ова двопартиско гласање е кристално јасна порака до @WhiteHouse: повлечете се и веднаш престанете со ова лудо федерално пречекорување“, напиша тој на Твитер.
Tonight, the Senate voted to overturn President Biden's vaccine mandate for private businesses.
This bipartisan vote is a crystal clear message to the @WhiteHouse: Back off, and stop this crazy federal overreach immediately.
— Senator Mike Braun (@SenatorBraun) December 9, 2021
Просто мнозинство од 51 глас е доволно за да се изгласа мерката во Сенатот. Двајца демократи – Џо Манчин од Западна Вирџинија и Џон Тестер од Монтана – им се придружија на педесетте републикански пратеници во гласањето за предлогот.
Иницијативата покажува колку е силна политичката опозиција на обидите на администрацијата да се бори против Ковид-19 во време кога здравствените работници се обидуваат да го спречат ширењето на многу заразна варијанта на вирусот омикрон.
Отсекогаш сум ја поддржувал задолжителната вакцинација за вработените во јавните служби и војската, бидејќи тоа е прашање од национално значење“, рече Манчин по гласањето. „Но, јас не ја поддржувам задолжителната вакцинација во приватните компании. Федералната влада не може да одреди за сопствениците на приватни компании како да ги заштитат своите вработени од Ковид-19 и како да го водат својот бизнис, рече тој.
Манчин додаде дека бил вакциниран со две дози од вакцината и дека добил и бустер доза, како и дека ги охрабрува сите Американци да го сторат истото.