Москва – Рускиот претседател Владимир Путин повика на ставање крај на насилството од двете страни во израелско-палестинскиот конфликт и изнаоѓање начини за решавање на ситуацијата.
„Последните денови бевме сведоци на остра ескалација на Блискиот исток и сите сме свесни за тоа и со загриженост го следиме развојот на ситуацијата во тој регион“, рече Путин на церемонијата на приемот на акредитивните писма од странските амбасадори .
Претседателот на Русија изјави дека избувнувањето на конфликтот меѓу Палестинците и Израелците веќе резултирало со голем број цивилни жртви, вклучително и деца.
Путин се осврна и на ситуацијата во светот, наведувајќи дека колапсот на структурата за контрола на оружјето, терористичките активности и сајбер безбедносните проблеми, покрај пандемијата на вирусот корона, ја комплицираат глобалната ситуација.
„За жал, глобалната состојба е сè уште нестабилна и продолжува да се влошува. Гледаме дека пандемијата на коронавирусот не е единствената причина, иако веќе ни нанесе огромна штета на сите нас, одземајќи милиони животи и поттикнувајќи длабоки промени во сите области, „Рече Путин.
Според него, прашањето за „падот на структурата за контрола на оружјето не е помалку алармантно, тероризмот повторно се буди, додека прашањето за меѓународната сајбер безбедност е сè поприсутно“.
Путин исто така рече дека официјална Москва е подготвена да комуницира со сите земји и да гради заемно корисна соработка врз принципите на еднаквост и немешање.